செழுமையான 17ஆம் நூற்றாண்டு சாணார்பெண்மணி:
முன்னுரை:
குமரி மாவட்டம் தோவாளை வட்டத்தில் அமைந்துள்ளது வீரவநல்லூர் எனும் கிராமம். வீரவநல்லூரின் பழைய பெயர் வீரகேரளநல்லூர். இந்தக் கிராமத்தில் பழமையான சிவபாண்டி ஆண்டார் கல்மடம் ஒன்று அமைந்துள்ளது. இந்தக் கல்மடத்தில் 2 பெரிய கல்வெட்டுகள் கண்டறியப்பட்டுள்ளன.
இந்த கல்வெட்டுகளை முனைவர் தவசிமுத்து மாறன் கண்டுபிடித்தார். கல்வெட்டுகளின் உள்ளடக்கங்களை உலகத் தமிழாராய்ச்சி நிறுவனத்தின் முனைவர் தாமரை பாண்டியன் பதிவு செய்துள்ளார்.
இந்தக் கல்வெட்டுகள், ஒரு பாண்டிய மன்னன், இராம நாச்சியார் என்று அழைக்கப்படும் செழுமையான சாணார் (அல்லது நாடார்) பெண்மணி மற்றும் பாண்டிய பெருமாள் என்று அழைக்கப்படும் வேளாளர் கணக்காளர் வழங்கிய நன்கொடைகளை வெளிப்படுத்துகின்றன [தகவல் 1].
மடத்தின் கி.பி 1678 கல்வெட்டு தரும் செய்தி:
கல்மடத்து வாயிலின் வடக்குப் பக்கத்தில் முதல் கல்வெட்டு அமைந்து காணப்படுகிறது. இந்தக் கல்வெட்டு செப்புப் பட்டயம் வடிவில் அமைந்துள்ளது, மற்றும் கி.பி 1678 ஆம் ஆண்டில் இக்கல்வெட்டு பொறிக்கப்பட்டது. பிற்கால பாண்டிய மன்னன் ஒருவன் கி.பி.1641 ஆண்டு வீரகேரள நல்லூர் கல்மடத்தை அமைத்து பட்டயம் மூலம் தானமும் செய்துள்ளான் என்று கல்வெட்டு கூறுகிறது.
இவன் வரகுணராம பாண்டியனாக இருக்கலாம், அல்லது அவன் காலத்துக்குப் பிந்தைய காலத்தைச் சேர்ந்த பாண்டிய மன்னனாக இருக்கலாம் என்று முனைவர் தாமரை பாண்டியன் கூறுகிறார்.
சாணார் குலத்தைச் சேர்ந்த இராம நாச்சியார் என்ற பெண்மணி கி.பி.1678 ஆம் ஆண்டு வீரகேரளநல்லூர் இருந்த அவரின் நிலங்களைத் தானமாக வழங்கியுள்ளார் என்று கல்வெட்டு கூறுகிறது. அவர் வழங்கிய அந்த தான நிலத்திலிருந்து கோட்டை 18 1/4 பதக்கு நெல் பாட்டமாகக் கிடைத்ததாகவும் கல்வெட்டு மேலும் கூறுகிறது.
மடத்தின் கி.பி 1683 கல்வெட்டு தரும் செய்தி:
மடத்தின் தெற்குப் பக்கம் அமைந்துள்ள 2-வது கல்வெட்டு கி.பி. 1683-ம் ஆண்டு வெட்டப்பட்டுள்ளது. சிவபாண்டி ஆண்டார் கல் மடத்துக்கு ஏற்பட்ட கடன்தொகை 1,150 ரூபாயை சாணார் சமூகத்தைச் சேர்ந்த சாணார் நயினார், ஆண்டிச்சி ஆகியோரது மகள் இராம நாச்சியார் வழங்கித் தீர்த்து வைத்துள்ளார் என்று கல்வெட்டு கூறுகிறது. மேலும் அவர் கல்மடத்திற்கு பணமும் நிலமும் தானமாகக் கொடுத்துள்ளார் என்று கல்வெட்டு கூறுகிறது. பாண்டிய பெருமாள் என்ற வேளாளர்(பிள்ளைமார்) சாணார் குலத்தைச் சேர்ந்த இராம நாச்சியாரை உயர்வு பட மரியாதையுடன் 'எங்கள் தாயார்' என்று குறிப்பிட்ட செய்தியையும் கல்வெட்டு கூறுகிறது.
முடிவுரை:
இந்த சான்றுகள் 'சாணார்' என்ற சாதிப்பெயரை கொண்டவர்கள் பரம்பரை பரம்பரையாக எழைப் பனைமரம் ஏறுபவர்கள் என்ற தவறான கருத்துக்கு முற்றுப்புள்ளி வைக்கின்றன. சாணார் பெண்மணி இராம நாச்சியார் அவர்கள் செல்வச் செழிப்பானவர் மட்டுமல்ல, இன்று உயர்சாதியாகக் கருதப்படும் சமூகங்களால் நன்மதிப்பைப் பெற்று இருந்தவர்.
பல பழங்கால வரலாற்று ஆவணங்கள் 'சாணார்' என்பது 'சான்றோர்' என்ற சமூக பெயரின் திரிபு என்பதை நிரூபிக்கின்றன. மேலும் தகவலுக்கு, கீழே உள்ள இடுகையைப் படிக்கவும் (இடுகைக்கு செல்ல கீழே உள்ள இணைப்பை அழுத்தவும்):
https://www.facebook.com/61558027155061/posts/pfbid02orNv6nCA4bTECpXD7RZx9US9fBiwWe6MNwLaeQcAfMZCkwDLde7jfxZVxVXBZX2Yl/?app=fbl
பொதுத் தகவல்கள்:
1) இன்றைய நாடார்கள் முன்பு சாணார்கள் என்று அழைக்கப்பட்டனர்.
குறிப்புகள்:
1) வீரவநல்லூரில் 300 ஆண்டுகள் பழமையான பாண்டியர் கால கல்வெட்டுகள் கண்டுபிடிப்பு; published by Hindu Tamil Thisai on December 26, 2023.
2) 300 ஆண்டுகள் பழமையான பிற்கால பாண்டியர் கல்வெட்டுகள் கண்டுபிடிப்பு; published by Nakkheeran on December 30, 2023.
மேலும் குறிப்புக்கு:
'சான்றோர்' என்ற சொல் எவ்வாறு 'நாடார்' ஆனது என்பதைப் புரிந்து கொள்ள கீழே உள்ள காணொளியைப் பார்க்கவும் (காணொளிக்கு செல்ல கீழே உள்ள இணைப்பை அழுத்தவும்):
https://www.facebook.com/100035228478418/posts/pfbid0ceatYBjbcKvgEzWriCZKCrfqh7d2Vw8cPRxMo4Sj82KginDG76Pmm6ziDCE3RF16l/?app=fbl
சில ஈழவர்கள் எப்படி 'சாணார்' என்ற உயர் சாதி பட்டத்தை பயன்படுத்த ஆரம்பித்தார்கள் என்பதை பற்றி தெரிய, கீழே உள்ள இடுகையைப் படிக்கவும் (இடுகைக்கு செல்ல கீழே உள்ள இணைப்பை அழுத்தவும்):
https://www.facebook.com/100035228478418/posts/pfbid02qBvXyy1YxZ1zi6Ai2HU31pHsNvcyZuz4LHLzQQHiws8gmvfUBGQrLEr8w7FRMY8zl/?app=fbl
• உங்கள் குறிப்புக்காக, நான் மேலே எழுதியதை ஆதரிக்க கீழே கூடுதல் குறிப்புப் பக்கங்களைச் சேர்த்துள்ளேன்.
No comments:
Post a Comment